Шахмат Олимпиадасининг илк кунидаёқ 10 мингдан ошиқ меҳмон Expo марказларига ташриф буюрди
Бундай йирик тадбир учун учта йирик майдон, 40 дан ортиқ меҳмонхона, транспорт, хавфсизлик ва хизмат кўрсатиш тизими йўлга қўйилди.
Шахмат Олимпиадасининг илк кунидаёқ 10 000 дан ортиқ халқаро ва маҳаллий меҳмон Expo марказларига ташриф буюрди.
Бир вақтнинг ўзида 46-FIDE Шахмат Олимпиадаси, FIDE Конгресси ва Шахмат Параолимпиадаси ўтказилмоқда. Олимпиадада 202 та давлатдан 2 000 дан ортиқ шахматчи, Параолимпиадада эса 35 та давлат вакиллари иштирок этмоқда.
Бундай йирик тадбир учун учта йирик майдон, 40 дан ортиқ меҳмонхона, транспорт, хавфсизлик ва хизмат кўрсатиш тизими йўлга қўйилди.
Минглаб волонтёрлар, давлат ташкилотлари вакиллари ҳамда маҳаллий ва хорижий тадбиркорлар меҳмонларга хизмат қилмоқда.
Ўзбекистон 46-FIDE Шахмат Олимпиадасининг муваффақиятли ўтиши учун бор куч ва масъулият билан хизмат қилмоқда.
