Тошкентда маҳаллий бюджетдан 1,5 млрд сўмдан ошиқ пул ажратилди
Маблағ кўп квартирали уйларнинг энергия самарадорлигини оширишга сарфланади.
Тошкент шаҳрида кўп квартирали уйларнинг энергия самарадорлигини ошириш учун маблағ ажратилди.
Бу ҳақда Тошкент шаҳар ҳокимининг 2026 йил 9 сентябрдаги қарори эълон қилинди.
Унга кўра, Чиноз ва Олтиариқ тажрибаси асосида пойтахтимиздаги кўп квартирали уйларнинг энергия самарадорлигини ошириш бўйича лойиҳа-смета ҳужжатларини ишлаб чиқиш учун Тошкент шаҳар маҳаллий бюджетининг захира жамғармасидан жами 1 млрд 565,4 млн сўм маблағ ажратилди.
Мазкур маблағлар қуйидаги манзиллардаги кўп квартирали уйлар учун йўналтирилади:
Олмазор тумани, Қичқириқ МФЙ, Қорақамиш 1/3 даҳаси (46, 47, 50, 51-уйлар) — 331,96 млн сўм;
Учтепа тумани, Фарҳод МФЙ, 23-мавзе (4, 5, 21, 22, 23-уйлар) — 588,68 млн сўм;
Чилонзор тумани, Диёр МФЙ, 8-мавзе (1, 2, 3, 4, 5-уйлар) — 288,76 млн сўм;
Юнусобод тумани, Акбаробод МФЙ, 3-мавзе (16, 17, 18, 19-уйлар) — 200,03 млн сўм;
Яккасарой тумани, «Шоҳжаҳон» МФЙ (Бобур кўчаси, 36, 38-уйлар) ва «Дамариқ» МФЙ (Бобур кўчаси, 81/5, 81/6-уйлар) — 155,97 млн сўм.
