Ерлан Карин Қозоғистон вице-президенти бўлди
Тегишли фармонни Қурултой номзодни қўллаб-қувватлаганидан сўнг президент Қосим-Жўмарт Тўқаев имзолади.
Ерлан Карин Қозоғистон вице-президенти этиб тайинланди.
Қозоғистон Қурултойи унинг номзодини қўллаб-қувватлади. 145 депутатдан 141 таси номзод учун овоз берди.
Тегишли фармонни Қурултой номзодни қўллаб-қувватлаганидан сўнг Қосим-Жўмарт Тўқаев имзолади. Карин бунга қадар давлат маслаҳатчиси ва Президент Администрацияси раҳбарининг биринчи ўринбосари лавозимларида ишлаган.
Вице-президентлик институти мамлакатда 2026 йилда янги Конституция қабул қилинганидан кейин жорий этилган.
Бу янги лавозим давлат органларида президент номидан вакиллик қилишни, шунингдек, давлат раҳбари ўз ваколатларини муддатидан олдин тугатган ёки вафот этган тақдирда унинг вазифаларини бажаришни назарда тутади.
Шунингдек, Олжас Бектенов Қозоғистон бош вазири лавозимига қайта тасдиқланди.
