ОАВ: Гвардиола Италиядан 20 млн евро маош талаб қилди
Италияликлар эса 10 миллион евро таклиф қилишга тайёр. Молиявий шартлар бўйича келишмовчиликлар туфайли музокаралар тўхтаб қолган.
Мураббий Хосеп Гвардиола Италия футбол федерацияси билан миллий терма жамоа бош мураббийи лавозими учун музокаралар олиб бораётган пайтда йилига 20 миллион евро маош талаб қилди.
Бу ҳақда La Gazette della Sport хабар берди.
Манбага кўра, федерация испаниялик мураббийга йилига 10 миллион евро таклиф қилишга тайёр, бу сўралган сумманинг атиги ярмини ташкил этади. Молиявий шартлар бўйича келишмовчиликлар туфайли музокаралар тўхтаб қолган.
ИФФ президенти Жованни Малаго 55 ёшли мураббий билан музокаралар олиб борилганини тасдиқлади. Унинг таъкидлашича, Гвардиолага бюджетдан истисно берилиши мумкин, аммо ҳали ҳеч қандай шартлар келишилмаган.
Агар музокаралар муваффақиятсиз якунланса, Италия футбол федерацияси бўш лавозимга муқобил номзодларни кўриб чиқмоқда. Кўриб чиқилаётганлар орасида италиялик мураббийлар Андреа Пирло ва Роберто Манчини ҳам бор.
