Ўзбекистонда аномал иссиқ кучайиши маълум қилинди
Ҳаво ҳарорати 43-45 даражагача, жанубда ва чўл ҳудудларда баъзи жойларда 46-48 даражагача кўтарилиши мумкин.
Ўзбекистонга кузатилаётган аномал иссиқ кучайиши маълум бўлди. Бу ҳақда "Ўзгидромет" раҳбари баёнотида айтилади.
Жорий йилнинг 18-20 июл кунлари Ўзбекистон ҳудудига жанубдан жуда иссиқ ҳаво оқимлари кириб келиши давом этади.
Иссиқ 43-45 даражагача, жанубда ва чўл ҳудудларда баъзи жойларда 46-48 даражагача кўтарилиши кутилмоқда.
Республика бўйича шамол тезлиги 13-18 м/с гача, баъзида 20-22 м/с гача кучайиши, айрим жойларда чанг-тўзонлар билан кузатилиши кутилмоқда.
Аввалроқ 13-17 июл кунлари жуда кучли иссиқ кузатилиши маълум қилинганди.
