Меҳриддин Абдуллаев Ўзбекистон футзал федерацияси вице-президенти лавозимига тайинланди

Ҳисоб палатаси раисининг биринчи ўринбосари Абдуллаев Меҳриддин Раззоқович Ўзбекистон футзал федерацияси вице-президенти лавозимига тайинланди.

Меҳриддин Абдуллаев олдин “Бунёдкор” футбол клуби президенти лавозимида ҳам ишлаган.

Абдуллаев 2023 йил март ойида Ўзбекистон Ҳисоб палатаси раиси ўринбосари лавозимига тайинланганди.
У 2020 йил январидан 2023 йил мартигача "Ўзбекнефтгаз" акциядорлик жамияти бошқаруви раиси лавозимида ишлаган.

2017−2020 йилларда Ўзбекистон Ҳисоб палатаси раисининг биринчи ўринбосари лавозимида ишлаган. Тошкент давлат иқтисодиёт университети (1993) ва Тошкент давлат юридик институти (2005) битирувчиси.