АҚШ стратегик нефт захираси 1983 йилдан бери энг паст даражага тушди
Захира Доналд Трамп маъмурияти учун муҳим воситага айланиб, ёқилғи нархларининг ошишини тўхтатиш ва иқтисодиётга босимни юмшатишга ёрдам берди.
АҚШ стратегик нефт захираси миқдори 1983 йилдан бери энг паст даражага тушди.
Ўтган ҳафта АҚШ расмийлари яна 8,9 миллион баррел нефть чиқардилар ва умумий захирани 340,3 миллион баррелга етказдилар. Бу кўрсаткич 2023 йил июль ойидаги аввалги энг паст кўрсаткичдан камроқ.
CNN таъкидлашича, Стратегик нефт захираси охирги марта 1983 йил июл ойида, Роналд Рейган маъмурияти захирани эндигина ташкил этаётган пайтда камроқ нефт сақлаган. Каналга кўра, захира Доналд Трамп маъмурияти учун муҳим воситага айланиб, ёқилғи нархларининг ошишини чеклашга ва иқтисодиётга босимни юмшатишга ёрдам берди.
Захиранинг операцион қувватини таъминлаш учун Америка нефт захираси раҳбари Майк Соммерс илгари унинг камида 20% тўлиши кераклиги ҳақида огоҳлантирган эди.
Ҳозирда захиранинг ярмидан сал камроқ қисми тўлган.
