Шавкат Мирзиёев Ҳиндистон раҳбариятига таъзия билдирди
Уттар-Прадеш штатида кузатилган кучли ёғингарчилик ва бўрон оқибатида камида 111 киши ҳалок бўлди.
Ўзбекистон Республикаси Президенти Шавкат Мирзиёев Ҳиндистон Республикаси Президенти Драупади Мурму ва Бош вазири Нарендра Модига таъзия мактуби йўллади.
Уттар-Прадеш штатида кучли ёғингарчилик ва бўрон оқибатида кўплаб инсонлар ҳалок бўлгани ва жиддий жароҳат олди.
Давлатимиз раҳбари қурбон бўлганларнинг оила аъзолари ва яқинларига чуқур ҳамдардлик изҳор этди, жароҳат олганлар тез фурсатда соғайиб кетишини тилади.
13 май куни кечқурун Ҳиндистонда кучли бўрон кузатилди. Шамол тезлиги соатига 100 километрдан ошди.
Бўрон дарахтларни ағдариб ташлади, реклама иншоотларини вайрон қилди, уйлар ва инфратузилмага зарар етказди.
Сўнгги маълумотларга кўра, қурбонлар сони 111 кишига етди, яна 72 киши жароҳат олди.
