Ўзбекистонда 2026 йилда менингококк инфекцияси билан боғлиқ ҳолатлар кўпайди
Республикада 2026 йилнинг 1-чорагида 174 та менингококк ҳолати рўйхатга олинган бўлиб, шундан 168 нафари 14 ёшгача бўлган болаларни ташкил қилган.
2026 йилда Республикада аҳоли орасида менингококк инфекцияси билан боғлиқ ҳолатлар бироз ортган. Бу ҳақда Санэпидқўмита хабарида айтилади.
Шу муносабат билан, аҳоли айниқса болалар орасида ушбу инфекция кенг тарқалишини олдини олиш мақсадида 8024 доза вакцина харид қилиниб, беморлар билан мулоқотда бўлган 4862 нафар фуқаролар эмлаш билан қамраб олинди.
Вакцина билан эмлашга тиббий монелиги бўлган беморлар билан мулоқотда фуқаролар шифокорлар назоратида кимёвий профилактика тадбирлари амалга оширилмоқда.
Республикамизда 2026 йилнинг 1-чорагида 174 та менингококк ҳолати рўйхатга олинган бўлиб шундан 168 нафари 14 ёшгача бўлган болаларни ташкил қилмоқда қилмоқда.
Касаллик динамикасига кўра, апрель ойида март ойига нисбатан 14 фоизга камайганлиги кузатилмоқда, дейилади Санэпидқўмита хабарида.
Менингит ўзи нима ва у нимаси билан хавфли?
Менингит — бу бош ва орқа мия пардаларининг яллиғланиши бўлиб, кўпинча бактерия ёки вируслар сабабли юзага келади ва тез ривожланиши билан хавфлидир.
Олдини олиш чораларига қуйидагилар киради:
- ўз вақтида эмланиш;
- шахсий гигиена қоидаларига риоя қилиш;
- касаллик аломатлари кузатилганда дарҳол шифокорга мурожаат қилиш;
- жамоат жойларида эҳтиёт чораларини кўриш;
- "Ҳаж" ва "Умра" сафарларига боришдан аввал менингококк инфекциясига қарши эмланишларини зиёратдан келгандан сўнг оммавий тадбирлардан чекланишни тавсия қилинади.
