Time журнали дунёнинг нуфузли 100 одами рўйхатини эълон қилди
Улар орасига АҚШ президенти Доналд Трамп ва Папа Лео XIV, Хитой етакчиси Си Цзинпин, Калифорния губернатори Гэвин Нюсом ва Ню-Йорк мэри Зоҳран Мамдани ҳам киритилган.
Time журнали 2026 йилнинг энг нуфузли 100 кишиси рўйхатини эълон қилди. Журнал рўйхатни 2024 йилдан бери ҳар йили тузиб келади.
Бу йил рўйхат олтита бўлимдан иборат: етакчилар, инноваторлар, титанлар, кашшофлар ва рассомлар. Time маълумотларига кўра, энг нуфузли одамлар орасида АҚШ президенти Доналд Трамп ва Папа Лео XIV бор. Улар "етакчилар" бўлимига киритилган.
Шунингдек, рўйхатга Давлат котиби Марко Рубио, АҚШ президентининг махсус элчиси Стив Уиткофф, Исроил бош вазири Бенямин Нетаняху, Хитой раҳбари Си Цзинпин, Канада ва Дания бош вазирлари Марк Карни ва Метте Фредериксен ҳам киритилган. Журнал шунингдек, МАГАТЭ директори Рафаэл Гросси ва Халқаро энергия агентлиги директори Фатиҳ Биролни 2026 йилнинг энг нуфузли етакчилари қаторига киритди.
Америкалик сиёсатчилар орасида рўйхатга Калифорния губернатори Гэвин Нюсом ва Ню-Йорк мэри Зоҳран Мамдани ҳам киритилган.
"Титанлар" бўлимида рўйхат тузувчилари америкалик режиссёр, актёр ва телебошловчи Бен Стиллер, модельер ва тадбиркор Ралф Лорен, Paramount Skydance бош директори Дэвид Эллисон ва Alphabet ва Google бош директори Сундар Пичайни тилга олишди.
Рўйхатга астроном Тони Тайсон ("Инноваторлар" бўлимида), эронлик инсон ҳуқуқлари фаоли Ширин Эбади, британиялик қўшиқчи, модел ва тадбиркор Виктория Бэкхем ва америкалик актёр Алан Камминг ҳам киритилган.
