Humans раҳбари Владимир Добринин халқаро қидирувга берилди
У жиноий фаолиятдан олинган даромадларни легаллаштириш ва бошқа жиноятларда айбланган.
Ўзбекистон Humans алоқа ва финтех компанияси раҳбари Владимир Добрининни халқаро қидирувга берди. Бу ҳақда Интерполнинг расмий сайтида маълум қилинди.
Маълумотларга кўра, Владимир Добринин Жиноят кодексининг 243-моддаси (жиноий фаолиятдан олинган даромадларни легаллаштириш) ҳамда 278-моддаси (қимор ва таваккалчиликка асосланган бошқа ўйинларни ташкил этиш ва ўтказиш) билан айбланмоқда.
Аввалроқ Ўзбекистон металлургия комбинати" собиқ раиси Дилшод Аҳмедов ҳам халқаро қидирувга берилганди.
