Трамп АҚШ ва Эрон икки ҳафталик сулҳга эришганини айтди
Покистон Бош вазири Шаҳбоз Шариф Вашингтон ва Теҳрон ўртасидаги сулҳ дарҳол кучга киришини билдирган.
АҚШ президенти Доналд Трамп Эронга ултиматумни икки ҳафтага узайтиришга рози бўлди.
Америка президентининг сўзларига кўра, томонлар тинч йўл билан ҳал қилиш йўлида олдинга силжишларга эришдилар ва келишув шу икки ҳафта ичида якунланади.
Трамп Эрон 10 банддан иборат тинчлик режасини таклиф қилганини айтди. Truth Social саҳифасида Трамп Ҳормуз бўғози тўлиқ ва хавфсиз тарзда қайта очилиши шарти билан икки ҳафта ичида Эронга ҳужумларни тўхтатишга тайёрлигини ёзди.
Музокараларда воситачи бўлган Покистон бош вазири Шаҳбоз Шариф Доналд Трампдан муддатни икки ҳафтага узайтиришни сўради. Унинг таъкидлашича, бунинг эвазига Теҳрон Ҳормуз бўғозини очиши керак бўлади.
Америка президенти 7 апрел куни соат 20:00 ни муддат сифатида белгилаб, Эрондан бўғозни очишни ва сулҳ эълон қилишни талаб қилди. Акс ҳолда, у Эроннинг электр станциялари ва кўприкларига зарба бериш билан таҳдид қилди.
Покистон Бош вазири Шаҳбоз Шариф Вашингтон ва Теҳрон ўртасидаги сулҳ дарҳол кучга киришини эълон қилди.
"Мен бу доно қарорни илиқ қабул қиламан ва икки мамлакат раҳбариятига чуқур миннатдорчилигимни билдираман", деб ёзди у ижтимоий тармоқларда.
АҚШ маъмурияти расмийси The New York Times нашрига берган интервьюсида икки ҳафталик сулҳ битимига мувофиқ Американинг Эронга қарши ҳарбий ҳужумлари тўхтатилганини айтди.
