Президент бугун Самарқандга ташриф буюради
Икки кунлик сафар давомида саноат, қишлоқ хўжалиги, туризм ва бошқа соҳалардаги лойиҳалар билан танишиш, янгиларини ишга тушириш режалаштирилган.
Бугун Президент Шавкат Мирзиёев Самарқанд вилоятига ташриф буюради.
Икки кунлик сафар давомида жойларда амалга оширилаётган бунёдкорлик ишлари, саноат, қишлоқ хўжалиги, туризм ва бошқа соҳалардаги лойиҳалар билан танишиш, янгиларини ишга тушириш режалаштирилган.
Шунингдек, давлатимиз раҳбари Самарқанд вилоятини ижтимоий-иқтисодий ривожлантириш бўйича навбатдаги устувор вазифалар юзасидан йиғилиш ўтказади.
Эслатиб ўтамиз, аввалроқ Шавкат Мирзиёев ифторликда қатнашганди.
