Али Хоманаийнинг ўрнига вақтинчалик раҳбар тайинланди

Алиризо Арафий Эроннинг вақтинчалик раҳбари этиб тайинланди. У ўтиш даврида мамлакатни бошқариш вазифаси юклатилган бошқарув кенгашига қўшилди, деб хабар берди Эрон ахборот агентлиги ISNA.

Нашр эълон қилган маълумотларга кўра, 67 ёшли Арафи бошқарув кенгашида Эрон президенти Масуд Пезешкиён ва Олий суд раиси Ғуломҳусайн Моҳсени Эжеи билан бирга ишлайди.

Мазкур органга мамлакат олий раҳбари вазифаларини вақтинча бажариш вазифаси юклатилган.

Алиризо Арафий Эроннинг давлат ва диний муассасаларида катта тажрибага эга нуфузли шиа уламоси саналади.

У 28 феврал куни АҚШ ва Исроилнинг Эрон ҳудудига ҳаво ҳужумлари натижасида ҳалок бўлган Эрон Олий раҳбари Али Хоманаийнинг ишончли вакили ҳисобланган.

Тайинловдан олдин Арафий Экспертлар Ассамблеяси раисининг ўринбосари, Конституция Қўриқчилар Кенгаши аъзоси ва Эроннинг диний таълим тизими раҳбари лавозимларида ишлаган.