Россияда бола ҳаётини сақлаб қолган ўзбекистонлик ватанга қайтишини айтди
Хайрулло Ибодуллаев мукофот пулларига отасини даволатиб, уй қуришини билдирди. Айни пайтда унинг ўзи ҳам жароҳат олган ва тикланиш жараёнида.
Санкт-Петербургда 7-қаватдан тушиб кетган болани болани қутқарган ўзбекистонлик Хайрулло Ибодуллаев ТАСС агентлигига уйга қайтишни режалаштираётганини айтди.
"Мен ҳозир Ўзбекистонга қайтишни режалаштирмоқдаман. Менинг тўрт фарзандим бор ва отам касал, шунинг учун мен уларга ёрдам бермоқчиман ва уйимни қуришни тугатмоқчиман", деди у.
Воқеа содир бўлган бинода яшовчилар ҳам унга 180 000 рубл беришди. Исми ошкор қилинмаган блоггер ҳам пул хайрия қилди. Барча тушумлар унинг оиласига ёрдам бериш учун сарфланади.
Ибодуллаевнинг айтишича, унинг қўли синиб, кўкраги жароҳатланган. Унинг соғайиши камида бир ой давом этади, шунинг учун у вақтинча ишлай олмайди.
Ҳодиса 22 феврал куни юз берди, Ибодуллаев йиқилаётган болани ушлаб, унинг ҳаётини сақлаб қолди.
Ўзбекистон президенти Шавкат Мирзиёев уни "Жасорат" медали билан мукофотлади. Миграция агентлиги шунингдек, Ибодуллаевга бепул самолёт чиптасини берди ва Россияда у 13 000 доллар мукофот олди.
