Ким Чен Ин партия бош котиблигига қайта сайланди
Ушбу қарор "бутун халқнинг хоҳиши ва танловини акс эттириши" маълум қилинган.
КХДР Меҳнат партиясининг амалдаги бош котиби Ким Чен Ин лавозимига қайта сайланди, деб хабар беради Корея Марказий ахборот агентлиги.
Қарорнинг тўлиқ матнида Ким Чен Ин ўз лавозимига қайта сайлангани айтилган.
"Ушбу конгресс ўртоқ Ким Чен Инни КХДР Меҳнат партиясининг энг юқори лавозимига қайта сайлаш ҳақидаги ҳурматли таклифни тўлиқ қўллаб-қувватлади ва маъқуллади. Бу ўтган беш йиллик кураш давомида тарихга берилган баҳо бўлиб, бу даврда эпохал ўзгаришларга эришилди", дейилади баёнотда.
Таъкидланишича, ушбу қарор "бутун халқнинг хоҳиши ва танловини" акс эттиради.
"Ўртоқ Ким Чен Ин ажойиб мафкуравий ва назарий донолик, ажойиб етакчилик ва олижаноб миллий фазилатлар билан партиямиз ва халқимизни ғалаба сари ягона йўлдан бошлаб борган ва Ватан ва инқилобга, давр ва тарихга улкан хизмат кўрсатган энг ажойиб сиёсатчидир. Фақат у буюк давлатимиз - КХДРнинг қудрати ва енгилмаслигини ифодалай олади", дейилади резолюцияда.
Эслатиб ўтамиз, Ким Чен Ин мамлакатни отаси вафот этган 2011 йилдан буён бошқариб келади.
Аввалроқ Ким Чен Ин янги турдаги ракета тизимини шахсан бошқаргани хабар берилганди. Катта калибрли кўп ўқли ракета тизими Корея Меҳнат партиясининг 9-съездида топширилган.
