Бухорода профилактика инспектори чўкаётган аёлни қутқарди
Аёл сувга ўзини ташлаб, жонига қасд қилмоқчи бўлган. Ички ишлар вазири ходимни тақдирлади.
Бухорода профилактика инспектори чўкаётган аёлни қутқариб қолди.
Жорий йилнинг 29 январь куни Бухоро вилояти Вобкент туманида ўз хизмат вазифасини ўтаётган профилактика инспектори қаҳрамонлик намунасини кўрсатди.
У дарёнинг муздек сувига ўзини ташлаб, ўз жонига қасд қилмоқчи бўлган 4 нафар фарзанднинг онасини сўнгги сонияларда қутқариб қолди.
Вобкент тумани ИИБ Жамоат хавфсизлиги хизмати Ҳуқуқбузарликлар профилактикаси бўлинмаси инспектори, капитан Расулов Амрилло Темир ўғли тақдирланди.
Ички ишлар вазирининг буйруғига асосан капитан Амрилло Расуловга муддатидан олдин "майор" махсус унвони берилди.