Ички ишлар вазирининг ахборот технологияларига масъул ўринбосари натижа кўрсатмаяпти — Президент
Зуфар Қурбонов мазкур лавозимга тайинлаганига икки йилдан ошган.
Йирик бозорлар ва гавжум жойларда жамоат хавфсизлигини таъминлаш бўйича гвардия, ички ишлар ва фавқулодда вазиятлар идораларининг ҳамкорлиги етарли эмаслиги кўрсатиб ўтилди.
Ўтган йили бозорлар ва паркларда 87 та жиноят содир этилган, шаҳарда жами 774 та ёнғин юз берган.
Бозорларни рақамлаштириш жуда сустлиги, ҳозирча фақат “Чорсу” ва “Фарҳод” бозорларида ситуацион марказ ташкил қилингани қайд этилди.
Ички ишлар вазирининг ахборот технологияларига масъул ўринбосари З.Қурбонов тайинлаганига икки йилдан ошгани, лекин тизимни рақамлаштириш бўйича ҳали сезиларли натижа кўринмаётгани танқид қилинди.
Шу ва бошқа тизимли муаммо ҳамда камчиликлар биринчи навбатда раҳбарларнинг айби экани таъкидланди.
Шу боис, бунга масъул вазир ўринбосари Б.Абдуллаев ва республика профилактика бошлиғи Х.Қодиров ишдан олинган эди.
Президент аввал пойтахт ҳуқуқ-тартибот идоралари раҳбарларини жиддий танқид қилганди.
