"Ўзэнергосотиш" бошқаруви раиси ўринбосари ишдан кетди
Шоҳруҳ Карабаев оилавий шароити сабабли ўз вазифасидан озод этишни сўраб ариза ёзган.
"Ўзэнергосотиш" АЖ бошқаруви раиси ўринбосари Шоҳруҳ Карабаев лавозимидан озод этилди.
2026 йил 6 январ куни "Ўзэнергосотиш" акциядорлик жамияти Кузатув кенгашининг навбатдаги йиғилиши бўлиб ўтди. Унда жамият бошқарув таркибига оид муҳим масала кўриб чиқилди.
Жамият бошқарув раисининг ўринбосари Ш. Э. Карабаевнинг оилавий шароити сабабли ўз вазифасидан озод этишни сўраб ёзган аризаси қаноатлантирилди.
Мазкур қарор "Акциядорлик жамиятлари ва акциядорларнинг ҳуқуқларини ҳимоя қилиш тўғрисида"ги қонун ҳамда жамият уставига мувофиқ қабул қилинган.