АҚШнинг Венесуэлага ҳужуми ортидан олтин кескин қимматлашди

АҚШ Венесуэла президентини қўлга олгани ортидан олтин нархлари кескин ошди.

Венесуэла президенти Николас Мадуронинг қўлга олиниши геосиёсий кескинликни кучайтириб, хавфсиз активларга бўлган талабни оширди. Натижада 1 грам олтиннинг нархи 156,37 долларни ташкил қилмоқда.

Олтин нархи 2,4 фоизга ошиб, бир унция (28,35 грам) учун 4.433,29 долларга етди. Бу кўрсаткич 29 декабрдан бери энг юқори даража бўлиб, олтин 26 декабр куни рекорд даражадаги 4 549,71 долларга ҳам етган эди.

Market Pulse платформаси таҳлилчиси Зайн Вавданинг айтишича, олтин нархи АҚШ ва Венесуэла ўртасидаги дам кескинлик натижасида кўтарилмоқда . Бу ҳолат бозор иштирокчилари аллақачон дуч келаётган ноаниқликларни кучайтириб, хавфсиз актив сифатида қимматбаҳо металлга бўлган талабни оширди.

АҚШ томонидан Венесуэла президенти Николас Мадуронинг қўлга олиниши ортидан 2026 йил 5 январ, олтин нархи одамларнинг хавфсиз активга бўлган талаби ортидан 2 фоиздан кўпроққа ошди.

АҚШ президенти Доналд Трамп 4 январь куни журналистларга агар Венесуэла АҚШнинг нефть саноатини очиш ва гиёҳванд моддалар савдосини тўхтатиш бўйича саъй-ҳаракатларига ҳамкорлик қилмаса, яна зарба бериш буйруқини бериши мумкинлигини айтди. Шунингдек, у Колумбия ва Мексика ноқонуний гиёҳванд моддалар оқимини камайтирмаса, ҳарбий чоралар кўрилиши эҳтимолини ҳам тилга олди.

Вавданинг қўшимча қилишича, Трамп маъмуриятининг Венесуэла амалиётидан сўнг Мексика бўйича билдирган тезкор баёнотидан сўнг Лотин Америкасида келгусидаги ҳарбий ҳаракатлар юзасидан саволларни кўпайтирди. Бу эса яқин муддатда олтин нархи ва унга талаб юқори бўлишидан далолат беради.

Ўтган йили олтин нархи қарийб 64 фоизга ошиб, 1979 йилдан бери энг катта йиллик ўсишни қайд этди. Бунга АҚШ Федерал резерв тизими фоиз ставкаларини пасайтириши, геосиёсий кескинликлар, марказий банкларнинг фаол харидлари ҳамда биржа савдо фондларидаги захираларнинг ортиши сабаб бўлди.

Бозорлар жорий йилги пул-кредит сиёсати бўйича қўшимча ишораларни жума куни эълон қилинадиган декабрь ойига оид қишлоқ хўжалигидан ташқари бандлик маълумотларидан кутмоқда. Инвесторлар жорий йилда АҚШда камида икки марта фоиз ставкалари пасайтирилишини кутишмоқда.

Бошқа қимматбаҳо металларга келсак, кумуш нархи 4,9 фоизга ошиб, бир унсия (28,35 грам) учун 76,18 долларга етди. У 29 декабрь куни рекорд даражадаги 83,62 долларга чиқиб олган эди.

Ўтган йили кумуш нархи 147 фоизга кескин ошди. Бунга АҚШДА муҳим стратегик минерал сифатида тан олиниши, таъминотдаги доимий танқислик ҳамда инвесторлар ва саноат томонидан талабнинг ортиб бориши туртки бўлди.