Нукусда сохта банк ходими қўлга олинди
У икки фуқарога жами 1,5 млрд сўм имтиёзли кредит маблағларини ажратиб беришини айтган.
Нукус шаҳрида фуқароларга имтиёзли кредит олиб беришни ваъда қилган фирибгар ушланди.
Бош прокуратура ҳузуридаги Департаментининг Қорақалпоғистон Республикаси бошқармаси ҳамда бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилган.
Унда фуқаро Ҳ.К. (муқаддам фирибгарлик жинояти учун судланган) 2 нафар фуқарога ўзини гўёки банк ходими сифатида таништириб, Тошкент шаҳрида ишлайдиган танишлари ёрдамида фуқаро И.Т.га 1,2 млрд сўм ва фуқаро М.Б.га 300 млн сўм имтиёзли кредит маблағларини ажратиб беришини айтган. Эвазига жами 48,4 млн сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.