Акмал Шукуров ишини кўрган судяларга хизмат текшируви тайинланди

Дастлаб 8 йилга қамалиб, сўнг жазоси енгиллаштирилган Акмал Шукуров ишини кўрган судяларга хизмат текшируви тайинланди. Бу ҳақда Судялар олий кенгаши хабар берди.

Ижтимоий тармоқларда катта муҳокамаларга сабаб бўлган А. Шукуровга оид жиноят иши Тошкент шаҳар суди апелляция инстанциясида кўрилиб чиқилиши билан боғлиқ ҳолатларга ойдинлик киритиш юзасидан хизмат текшируви тайинланди.

Хизмат текшируви Судьялар олий кенгаши томонидан ўтказилмоқда.

Натижаси бўйича қўшимча ахборот берилади.

Дастлаб 8,1 йилга қамалган судланувчи апелляция судида озод этилганди. Сўнгра Тошкент шаҳар судида 6 йиллик жазо тайинланди.