"Авиасозлар" бозорида ёнғин юз берди
Ёнғин бир ярим соат ичида бартараф этилган. Тан жароҳати олганлар йўқ.
Тошкентдаги "Авиасозлар" бозори ҳудудида ёнғин юз берди.
13 декабр куни соат 01:30 да Тошкент шаҳар, Яшнобод тумани, Бешариқ кўчасида жойлашган "Авиасозлар" бозори ҳудудида маъмурий бинода ёнғин содир бўлди. Бу ҳақда Тошкент шаҳар ФВБ хабар қилди.
Шунга кўра, қутқарув экипажлари воқеа жойига етиб бориб, ёнғин ўчириш ишлари олиб борилган.
Ҳодиса бир ярим соат вақтда бартараф этилган
Ёнғин оқибатида тан жароҳати олган фуқаролар тўғрисида хабар келиб тушмаган, дейилади хабарда.