Марказий банк раисига учта ўринбосар тайинланди
Нодир Ачилов тайинловга қадар Монетар операциялар департаментига раҳбарлик қилган.
Марказий банкда янги тайинловлар амалга оширилди.
Нодирбек Муҳаммадиевич Ачилов — Марказий банк Раисининг ўринбосари этиб тайинланди. Нодир Ачилов бунга қадар Монетар операциялар департаментига раҳбарлик қилган.
Санжар Салайдинович Носиров — Марказий банк Раисининг ўринбосари этиб тайинланди. Бунгача Санжар Носиров Кредит ташкилотлари фаолиятини тартибга солиш методологияси департаменти раҳбари лавозимида ишлаган.
Нусратулла Нигматуллаевич Фазилов — Марказий банк Раисининг ўринбосари лавозимига тайинланди. Н. Фазилов илгари Банкларни пруденсиал назорати департаментига раҳбарлик қилган.