Трамп New York Times нашрини судга берди

АҚШ президенти Доналд Трамп The New York Times газетасига қарши туҳмат учун 15 миллиард долларлик даъво иши қўзғатганини билдирди.

Truth Social ижтимоий тармоғидаги постида Трамп газетани Демократик партияни қўллаб-қувватлагани учун мамлакатдаги “энг ёмон ва энг таназзулга учраган газеталардан бири” деб атади.

"The Times сизнинг севимли президентингиз, менинг оилам, менинг бизнесим, America First ҳаракати, MAGA ва умуман бизнинг мамлакатимиз ҳақида ўнлаб йиллар давомида ёлғон гапириб келади. New York Times газетасига жуда узоқ вақтдан бери ёлғон гапириш, туҳмат қилиш ва мени туҳмат қилишига рухсат берилди ва у дарҳол тўхтайди!

Бу даъво Флориданинг буюк штатида қўзғатилган", деб ёзган Трамп.

Доналд Трамп аввал ҳам Американинг бошқа оммавий ахборот воситалари устидан судга мурожаат қилгаан.

Жумладан, 2024 йил декабрида ABC News президент билан туҳмат бўйича иш юзасидан судлашди ва Трампга 15 миллион доллар тўлашга рози бўлди.

Жорий йилнинг июль ойида CBS телекомпаниясига эгалик қилувчи Paramount Global Доналд Трампнинг сайловларга аралашиш бўйича даъвосини ҳал қилиш учун 16 миллион доллар тўлашга рози бўлди.

19 июл куни Америка президенти The Wall Street Journal газетаси ва унинг эгаларини номдор молиячи Жеффри Эпштейнга юборган табрикнома ҳақидаги мақола учун судга берганди.

Трамп аввалроқ Россияга кескин чоралар кўриш шартини айтганди.

Унга кўра, НАТОнинг барча давлатлари Россия нефтини сотиб олишдан воз кечиши керак.