Ўзбекистон Россия Ташқи ишлар вазирлигига нота юборди
Бунга август ойида россиялик шахснинг ўзбекистонликларни ҳақорат қилгани сабаб бўлган.
Ўзбекистон Россия Ташқи ишлар вазирлигига нота юборди. Бу ҳақда вазирлик расмий вакили Аҳрор Бурҳонов маълум қилди.
Нотага россиялик шахснинг ҳайдовчи билан тортишиб қолиб, бунинг ортидан ўзбекистонликларни ҳақорат қилгани сабаб бўлган.
Ҳодиса Москва областида рўй берган, россиялик шахс ўзбекистонлик ҳайдовчини ҳақорат қилган. Ўзбекистон Ташқи ишлар вазирлиги ҳолат юзасидан баёнотида "Ўзбекистон фуқаролари дунёнинг исталган нуқтасида давлат ҳимоясида" эканини билдирди.
ТИВ хорижда ҳуқуқлари бузилган фуқароларни дарҳол ўша давлатнинг ҳуқуқ-тартибот органларига ва дипломатик ваколатхоналарга мурожаат қилишга чақирди.