Президент амалий ташриф билан Туркманистонга боради
22 август куни "Озарбайжон - Туркманистон - Ўзбекистон" форматида уч томонлама саммит бўлиб ўтади.
Шавкат Мирзиёев эртага Туркманистонга боради.
Ўзбекистон Республикаси Президенти Шавкат Мирзиёев Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовнинг таклифига биноан ушбу мамлакатга боради.
Гап нима ҳақида?
Президент 22 август куни "Озарбайжон - Туркманистон - Ўзбекистон" форматидаги уч томонлама саммитда иштирок этади.
"Аваза" миллий сайёҳлик зонасида бўлиб ўтадиган тадбир кун тартибига мувофиқ, кўп томонлама ҳамкорликни, энг аввало, савдо-иқтисодий, транспорт-коммуникация, энергетика ва гуманитар соҳаларда ривожлантириш масалалари кўриб чиқилади.
Қатор қўшма ҳужжатлар имзоланиши кўзда тутилган.
Давлат раҳбари саммит доирасида икки томонлама музокаралар ҳам ўтказади.
Эслатиб ўтамиз, бу Президентнинг Туркманистонга август ойидаги иккинчи ташрифидир.
4-6 август кунлари Шавкат Мирзиёев БМТнинг Денгизга чиқиш имкони бўлмаган ривожланаётган мамлакатлар бўйича коференциясида қатнашганди.