Шавкат Мирзиёев туркман президенти билан учрашди

Президент Шавкат Мирзиёев Ашхобод шаҳрида Туркманистон президенти Сердар Бердимуҳамедов билан музокара ўтказди.

Мирзиёев бугун уч томонлама саммитда қатнашиш учун Ашхободга борди. Уни халқаро аэропортда Гурбангули Бердимуҳамедов кутиб олди.

Учрашувда давлат раҳбарлари икки халқ ўртасидаги кўп асрлик дўстлик ва яхши қўшничилик ришталарига асосланган Ўзбекистон-Туркманистон чуқурлашган стратегик шериклик муносабатларининг долзарб масалаларини муҳокама қилдилар.

Шунингдек, минтақавий кун тартиби юзасидан ҳам атрофлича фикр алмашилди.