Таиланд ва Камбоджа можарони вақтинча тўхтатишга келишди
АҚШ президенти Доналд Трамп томонларни яраштиришга ҳаракат қилмоқда.
Таиланд ва Камбоджа ҳарбий ҳаракатларни вақтинча тўхтатишга келишиб олди.
АҚШ президенти Доналд Трамп уларни яраштиришга ҳаракат қилмоқда.
The Nation нашрининг ёзишича, Таиланд ва Камбоджа қуролли кучлари кучли ёмғир туфайли чегара ҳудудларида ҳарбий ҳаракатларни вақтинча тўхтатган. Лекин ҳозирда иккала томон ҳам ўз кескин позицияларини сақлаб қолишган.
Президент Доналд Трамп эса Камбоджа ва Таиланд раҳбарияти билан гаплашганини айтди. У икки давлат музокараларга тайёр, деб ишонтирди.
"Иккала томон зудлик билан сулҳ ва тинчликка эришилишини истайди. Шунингдек, улар Қўшма Штатлар билан савдо музокараларига қайтишни истайди, бизнинг фикримизча, жанглар тўхтатилмагунча, бу мумкин эмас.
Улар зудлик билан учрашиб, ўт очишни тўхтатиш ва охир-оқибат тинчлик бўйича музокаралар олиб боришга келишиб олдилар. Бу амалга ошгач, мен иккала давлат билан савдо алоқаларини давом эттиришни орзиқиб кутаман!" дея ёзди АҚШ президенти Truth Social тармоғида.
Бир неча куни аввал Таиланд ва Камбоджа чегарасида кескинлик рўй берди. Ўндан ошиқ киши ҳалок бўлди.
Ўзбекистон томонларни муаммони тинч йўл билан ҳал этишга чақирди.