Шакарсиз ва ёғсиз қаҳва эрта ўлим хавфини камайтиради
Олимлар 46 мингдан ортиқ киши иштирок этган тадқиқот натижалари билан бўлишдилар.
Шакар ва ёғли қўшимчаларсиз қаҳва истеъмол қилиш эрта ўлим хавфини камайтириши мумкин.
Тафт университети олимлари кунига 1-2 чашка қора қаҳва ҳар қандай сабабдан ўлим хавфини 14 фоизга камайтиришини аниқладилар.
Натижалар The Journal of Nutrition журналида чоп этилди.
Тадқиқотда 46 000 дан ортиқ киши иштирок этди. Маълум бўлишича, қаҳвага озгина шакар (ярим чой қошиқдан кам) ва қаймоқ (1 ош қошиқгача) қўшилса, ижобий таъсир сақланиб қолади. Аммо ичимлик жуда ширин ёки ёғли бўлиб қолса, фойда йўқолади.
Кунига қанча кўп чашка қаҳва ичилса шунчалик самарали бўлади, лекин фақат учтагача ичиш мақсадга мувофиқ.
Тадқиқот шунингдек, қаҳва истеъмоли ва саратондан ўлим хавфининг пасайиши ўртасида ҳеч қандай боғлиқлик аниқланмаган ва кофеинсиз қаҳвани яхши кўрадиганлар умуман ижобий таъсир кўрсатмаган.