Қўқондаги корхонада аммиак сизиб чиқиши содир бўлди
Оқибатда 7 нафар фуқаро шифохонага мурожаат қилган.
Қўқондаги корхонада аммиак сизиб чиқиши кузатилди.
Бугун, 16 май куни соат 20:30 да Фарғона вилояти, Қўқон шаҳрида жойлашган корхоналарнинг бирига темир йўл орқали олиб келинган аммиак кислотаси поезд цистернасидан махсус цистернага бўшатилаётган вақтда тўкилиши кузатилган.
Зудлик билан ҳодиса жойига тегишли хизматлар куч ва воситалари жалб этилиб, вазият оқибатлари бартараф этилган.
Дастлабки маълумотларга кўра 7 нафар фуқаро шифохонага мурожаат қилган. Тиббий кўрикдан ўтказилиб, аҳволлари яхши бўлганлиги боис уйига рухсат берилган, дейилади хабарда.