Трамп учинчи муддатга номзодини қўймайди
АҚШ Конституциясига кўра, иккинчи муддатини ўтаётган президент учинчи муддатга сайланиш ҳуқуқига эга эмас.
АҚШ президенти Доналд Трамп учинчи муддатга сайланмаслигини айтди.
АҚШ президенти Доналд Трамп учинчи муддатга ўз номзодини қўйиш ҳақида ўйлаётгани ҳақидаги хабарларни рад этди.
"Мен "саккиз йиллик", "икки муддатли" президент бўламан. "Мен буни ҳар доим жуда муҳим деб ўйлаганман", деди Трамп якшанба куни эфирга узатилган NBC телеканали Кристен Уэлкерга берган интервьюсида.
78 ёшли Трамп аввалроқ АҚШ президенти сифатида учинчи ёки ҳатто тўртинчи муддатга сайланиш ҳақида айтган эди.
Аммо кейинроқ у ўз баёнотларидан мақсад “сохта ахборот воситалари”ни троллинг қилиш эканини айтди.
Флоридадаги қароргоҳида ёзиб олинган интервьюда Трамп одамлардан унга иккинчи муддатдан кейин ҳам президент сифатида қолишни сўраб кўплаб “сўровлар” олганини айтди.
"Кўпчилик буни қилишимни хоҳлайди. Лекин мен буни қилмоқчи эмасман", деди Трамп унинг ўрнини эгаллаши мумкин бўлган бир қанча республикачилар, жумладан, вице-президент Ж.Д.Венс ва Давлат котиби Марко Рубиони санаб ўтди.
"ЖД ажойиб номзод. Марко ҳам жойиб ишлаяпти", деди Трамп.
АҚШ Конституциясига кўра, Оқ уйда иккинчи муддатини ўтаётган Трамп учинчи муддатга сайланиш ҳуқуқига эга эмас.