АҚШда норозилик кучаймоқда: Вупи Голдберг Трампга очиқчасига қарши чиқди
Машҳур актриса ва комедия устаси амалдаги президентнинг сиёсатини кескин танқид қилди. "Биз америкаликлар бундай президентни хоҳламаймиз", деди у.
Доналд Трамп Американи манфаатларини ҳимоя қилмайди, биз уни президент бўлишини хоҳламаймиз" деб маълум қилди Вупи Голдберг.
"The View" кўрсатувига ташриф буюрган, Вупи Голдберг номи билан машҳур бўлган актриса ва комедия устаси Доналд Трампнинг ҳокимиятдаги фаолиятидан норозилигини билдирди.
"Бизни кузатаётган барча давлатлар: шуни айтмоқчиманки, бу - бизнинг хоҳишимиз эмас. Биз америкаликлар бундай президентни хоҳламаймиз. Улар Америка номидан гапираётганда, бизни назарда тутишмайди" деди Голдберг.
Кўрсатувга ташриф буюрган бошқа меҳмонлар ҳам уни фикрини қўллаб-қувватлади.
"Улар Американинг тор доирасидаги инсонлар номидан гапирмоқда ва аслида ўзларига чоғ қазиётганини билмайди" - дея қўшимча қилди у.
Голдберг ва кўрсатувнинг бошқа меҳмонлари Трамп томонидан белгилаган бож тарифларини ҳам кескин танқид остига олдилар.
Маълум бўлишича, чоршанба куни АҚШ президенти баъзи давлатларга нисбатан бож тарифларини 90 кунга тўхтатиб туришини, бироқ Хитой учун бож тарифини оширишини эълон қилган.
Эътиборга молик жиҳат шуки, 2025 йил ABC News телеканалининг "The View" кўрсатувига ташриф буюрганларнинг 63 нафари Демократлар партияси вакиллари ва тарафдорлари бўлиб, Консерватив Республикачилар партиясининг вакилларидан ҳеч ким кўрсатувида иштирок этмаган.
