“Ташаббусли бюджет”да яна 33 та лойиҳа ғолиб деб топилди

“Ташаббусли бюджет”да 33 та лойиҳа қўшимча ғолиб деб топилди. Бу ҳақда Иқтисодиёт ва молия вазирлиги хабар берди.

“Ташаббусли бюджет”нинг жорий йилги 1-мавсуми якунларига кўра, ғолиб бўла олмаган 33 та лойиҳа учун қўшимча маблағ ажратилди.

Халқ депутатлари туман (шаҳар) Кенгашлари томонидан ғолиб бўлмаган навбатдаги лойиҳаларни молиялаштириш учун маҳаллий бюджетнинг қўшимча маблағлари ҳисобидан 7,5 млрд сўм ажратилиб, 33 та лойиҳа қўшимча равишда ғолиб деб топилди.

Маълумот учун: амалдаги тартибга кўра, халқ депутатлари туман (шаҳар) кенгашларига маҳаллий буджетнинг қўшимча маблағлари ҳисобидан қўшимча тарзда ғолиб лойиҳаларни эълон қилиш ваколати берилган.

Ғолиб лойиҳалар рўйхати билан мазкур ҳавола орқали танишиш мумкин.