Ўзбекистонда Европа инвестиция банкининг минтақавий офиси очилади
Ушбу банк Европа Иттифоқининг етакчи молиявий институти саналади.
Иқтисод
18 соат аввал
Ўзбекистонда Европа инвестиция банкининг минтақавий офиси очилади.
Ўзбекистон Президенти Шавкат Мирзиёев, Европа кенгаши Президенти Антониу Кошта ва Европа комиссияси Президенти Урсула фон дер Ляйен ҳузурида мамлакатимизда Европа инвестиция банкининг минтақавий офисини таъсис этиш тўғрисида битим имзоланди.
1958 йилда ташкил этилган Европа инвестиция банки Европа Иттифоқининг етакчи молиявий институтидир.
Таъкидлаш жоиз, офиснинг Тошкент шаҳрида очилиши ўзаро манфаатли ҳамкорликни кенгайтириш, Ўзбекистонда ва умуман Марказий Осиёда "яшил" иқтисодиёт, инновацион саноат ва замонавий инфратузилмани ривожлантиришга жалб этилаётган инвестициялар ҳажмини ошириш имконини беради.
