Марказий Осиё Европа Иттифоқи учун муҳим ҳамкор – Урсула фон дер Ляйен

Европа комиссияси президенти Урсула фон дер Ляйен Марказий Осиё Европа Иттифоқи учун муҳим ҳамкор эканини билдирди.

3-4 апрел кунлари Самарқанд шаҳрида ўтадиган Марказий Осиё – Европа Иттифоқи биринчи саммити олдидан у Марказий Осиё учун Team Europe ташаббуси доирасидаги инвестиция пакетини эълон қилишини айтган. Ушбу муҳим ҳужжат транспорт, ўта муҳим хомашё ресурслари, рақамли тармоқ, сув ва энергия транспорти каби тўрт асосий йўналишга қаратилган.

Бугун Шавкат Мирзиёев саммит доирасида Урсула фон дер Ляйен билан суҳбат ўтказди. Унда Ўзбекистон ва ЕИ ўртасидаги ўзаро манфаатли ҳамкорликни янада кенгайтириш истиқболлари юзасидан фикр алмашилган.

Шунингдек, 4 апрел куни бўлиб ўтадиган минтақалараро саммит ва иқлим форумини ўтказиш масалалари кўриб чиқилган.