"Uzum tezkor" монопол мавқега эга деб топилди
Агрегатор тайёр овқат ва бошқа истеъмол маҳсулотларини буюртма қилиш ва етказиб бериш бозорида устун мавқега эга деб эътироф этилган.

Рақобат қўмитаси "Uzum tezkor"ни монопол мавқега эга деб топди.
Қўмитанинг тегишли буйруғи билан тайёр овқат ва бошқа истеъмол маҳсулотларини буюртма бериш ва етказиб бериш агрегатори хизмати бозорида “Uzum Tezkor” МЧЖ ХК устун мавқега эга рақамли платформа оператори деб эътироф этилди.
Асос: “Uzum Tezkor” МЧЖ ХКнинг бу соҳада устун мавқега эришилгани ҳақидаги хабарномаси.
Шунингдек, Қўмита томонидан устун мавқега эга рақамли платформа оператори фаолиятини рақобат тўғрисидаги қонун ҳужжатларига мувофиқ, устун мавқеини суиистеъмол қилиш ҳолатларини олдини олиш мақсадида мажбурий тартибда Монополияга қарши комплаенс тизими жорий этилади ва тегишли тартибда мониторинг ўтказиб борилиши маълум қилинади.
Таъкидлаб ўтамиз, март ойида Uzum маркетплейси ҳам устун мавқега эга деб топилганди.