“Ёшлар овози” республика танлови ғолиби яна бир халқаро танловда гран-прини қўлга киритди

Ясмина бугунга қадар кўплаб халқаро ва республика танловларда иштирок этиб, гран-при, олтин гран-при ва супер гран-приларни қўлга киритган.

Хусусан, “Ҳаёт мусиқаси” («Музыка Жизни») халқаро кўп жанрли танлови, “Қуёш уйи Туркия” («Дом сольнца Турция») халқаро фестивали, “Бахтли элнинг боласи” («Бакытты елдин урпаги») халқаро танлови, “Шарқ атиргули 2023” («Роза Востока 2023») Халқаро кўпжанрли фестивал-танлови, “Шарк талент” ёш истеъдодлар республика танловида гран-при, “Жаҳон ёшлар санъати” («Мировое молодежное искусство») Халқаро танлови, ХИВ “Қобилиятли болалар” («Одарённые дети») марафонида олтин гран-при, I “Тошкент катта фестивали” («Ташкент гранд фестивал»)да супер гран-при, “Ёшлар овози” – Бўзатов FEST танловининг республика босқичида 1-ўрин (2024-йил), Белоруссияда ўтказилган ХХИИ “ВИТЕБСК–2024” Халқаро болалар мусиқа танловида гран-прини (2024 йил) олган.

Ясминанинг Бўзатов FEST’даги иштироки ҳақида

“Ёшлар овози” – Бўзатов FEST ҳақида биринчи марта эшитган Ясмина ҳали 9 ёш бўсағасида бўлган. Танловда иштирок этиш учун ёши тўғри келмагани боис ўша йилда ўтказилган мавсумда қатнаша олмаган.

Аммо президент ташаббуси билан ташкил этилган ушбу танловнинг кейинги мавсумларида Ясминанинг орзуси ушалиб, иштирокчига айланди. Танловда шунчаки иштирокчи бўлибгина қолмасдан, учинчи мавсум ғолиблари сафидан жой олишга муваффақ бўлди.