Трамп Эронга "мисли кўрилмаган зарба" билан таҳдид қилди

АҚШ президенти Доналд Трамп Вашингтон ва Теҳрон ядро дастури бўйича келишувга эришмаса, Эронга зарба беришини айтди.

"Агар улар келишувни амалга оширмасалар, кучли бомбардимон содир бўлади", дея таҳдид қилган Трамп.

Нашрга кўра, Доналд Трампнинг мактуби "таҳдидли" эди.

12 март куни Али Хоманаий мактубни олганидан кейин Трампнинг музокаралар таклифини “алдаш” деб атади. Якшанба куни AP хабарига кўра, Эрон президенти Масуд Пезешкиён Теҳрон Трампнинг мактубига жавобан АҚШ билан тўғридан-тўғри музокаралар таклифини рад этганини айтди.

“Икки томон ўртасида тўғридан-тўғри музокаралар ўтказиш имконияти рад этилган бўлса-да, билвосита музокаралар учун йўл очиқлиги таъкидланди”, — деди Эрон президенти.

Трамп 2018 йилда Американи ядровий келишувдан чиқарганидан бери Теҳроннинг Вашингтон билан билвосита музокаралари муваффақиятга эриша олмади. Мутахассисларнинг таъкидлашича, ҳусийларга қарши кураш баҳонасида

Эрон билан қарама-қаршиликнинг кучайиши, Форс кўрфазидан барча нефть ва газнинг 20 фоизи жаҳон бозорига этказиб бериладиган Ҳормуз бўғозига таъсир этса, янги энергия инқирози бошланиши мумкин.

Оқ уйга қайтган Трамп Эронга қарши “максимал босим” кампаниясини бошлади. Унинг мақсади Исроилнинг асосий душманини заифлаштириш, Эроннинг ядровий бомба яратишига йўл қўймаслик ва Эроннинг баллистик ракеталари масофасини чеклашдир.

Вашингтоннинг асосий рақиби Пекин Эронга қарши санкцияларни тугатишни таклиф қилмоқда ва бу ядровий музокаралардаги боши берк кўчадан чиқишга ёрдам беради, деб ҳисобламоқда.

Март ойи ўрталарида Хитойда Эрон ва Россия делегациялари ўртасида учрашув бўлиб ўтди ва бир ҳафта олдин Россия Трамп маъмуриятига Эрон билан алоқа қилишда ёрдам беришга рози бўлгани ҳақида хабарлар пайдо бўлди.