Андижондаги портлаш бўйича ҳукумат комиссияси тузилди
Бахтсиз ҳодиса оқибатида ҳалок бўлган фуқароларнинг оила аъзоларига ҳар томонлама ёрдам берилади.
Избоскан туманидаги масжидда рўй берган газ портлашида воқеаси сабаблари ва оқибатларини ўрганиш учун ҳукумат комиссияси тузилди.
Бош вазир матбуот котиби Бекзод Ҳидоятовнинг маълум қилишича, комиссияга бош вазир ўринбосари Очилбой Раматов раҳбарлик қилади.
Бахтсиз ҳодиса оқибатида ҳалок бўлган фуқароларнинг оила аъзоларига ҳар томонлама кўмаклашиш ва жабрланган фуқароларга тез тиббий ёрдам кўрсатиш, унинг келиб чиқиш сабабларини ўрганиш комиссиянинг бирламчи вазифаси этиб белгиланди.
Бош прокуратура хабарига кўра, портлаш юзасидан жиноят иши қўзғатилган.
Эслатиб ўтиш керак, бугун Аҳмадали Ҳожи жомеъ масжидида газ портлаган. Оқибатда 3 киши ҳалок бўлган, 10 киши жароҳатланган.
Воқеа жойига вилоят ҳокими, фавқулодда вазиятлар вазири, муфтий, бош вазир ўринбосари ва бошқа масъуллар етиб борган.
