Бухорода ички йўлларни таъмирлаш учун 1 млрд сўмдан ортиқ пул ажратилди

Бухоро вилояти ҳокими имзолаган фармойиш билан турли ижтимоий мақсадлар учун жами 2,3 млрд сўм маблағ ажратилади. Хусусан:

• Шофиркон туманидаги “Денов” МФЙ ҳудудидаги ички йўлларни таъмирлаш учун 140 млн сўм;
• Қоракўл туманидаги “Янги қалъа” МФЙ ҳудудидаги ички йўлларни таъмирлаш учун 60 млн сўм;
• Ғиждувон туманидаги “Лабирўт” МФЙ ҳудудидаги ички йўлларни таъмирлаш учун 150 млн сўм;
• Вобкент туманидаги “Теракли” МФЙ ҳудудидаги ички йўлларни таъмирлаш учун 31 млн сўм;
• Вобкент туманидаги “Гулистон” МФЙ ҳудудидаги ички йўлларни таъмирлаш учун 45 млн сўм;
• Вобкент туманидаги “Бозоржойи” МФЙ ҳудудидаги ички йўлларни таъмирлаш учун 70 млн сўм;
• Бухоро шаҳрининг янги бош режа лойиҳасини ишлаб чиқиш учун 600 млн, жами 1,1 млрд сўм.

Шунингдек, бир қатор ижтимоий объектларни таъмирлаш ва ободонлаштиришга яна 1,2 млрд ажратилади:

• Бухоро шаҳридаги “Сайфиддин Боҳарзий” зиёратгоҳи ҳудудида “Ислом тамаддуни дарғалари хиёбони” ташкил этиш учун 500 млн сўм;
• Б.Нақшбанд мажмуаси атрофини ободонлаштириш ва тартибга келтириш учун 150 млн сўм;
• Когон тумани ҳокимлигининг янги маъмурий биносини жиҳозлаш учун 300 млн сўм;
• Бухоро шаҳар "Б.Нақдшбанд" МФЙ ҳудудидаги 8-сонли мактабгача таълим ташкилоти биносини реконструкция қилиш учун 183 млн сўм;
• Когон туманидаги маданият марказини жиҳозлаш учун 50 млн, жами 1,2 млрд сўм.

Эслатиб ўтамиз, аввалроқ Избоскан туманидаги ички йўллар абгор ҳолатда экани ҳақида репортаж тайёрлаган эдик.