Шавкат Мирзиёев Қозоғистонга амалий ташриф билан борди
Уни аэропортда Қосим-Жўмарт Тўқаев кутиб олди. Улар савдо, саноат кооперацияси, транспорт ва логистика, энергетика ва бошқа масалаларда музокаралар ўтказадилар.
Ўзбекистон Республикаси Президенти Шавкат Мирзиёев амалий ташриф билан Олмаота шаҳрига келди.
Давлатимиз раҳбарини Қозоғистон Республикаси Президенти Қосим-Жўмарт Тўқаев кутиб олди. Ўзбекистон етакчиси шарафига фахрий қоровул сафланди ва икки мамлакат байроқлари кўтарилди.
Бугун Ўзбекистон ва Қозоғистон Президентлари норасмий учрашув ўтказадилар. Кун тартибидан савдо, саноат кооперацияси, транспорт ва логистика, энергетика, қишлоқ ва сув хўжалиги соҳаларида амалий ҳамкорликни кенгайтириш, шунингдек, ҳудудлар ўртасидаги фаол алоқалар ва маданий-гуманитар алмашинувни давом эттириш масалалари ўрин олган.
Давлат раҳбарлари халқаро сиёсат ва минтақавий ҳамкорлик масалалари юзасидан ҳам фикр алмашадилар.
