Сўз устаси Шукрулло Исроиловнинг машинаси ўғирланди

Сўз устаси Шукрулло Исроиловнинг машинаси ўғирланди. Пойтахт ИИББ ҳодиса тафсилотларини очиқлади.

Айтилишича, Тошкент шаҳар ИИББга пойтахтнинг Мирзо Улуғбек тумани ҳудудида Mercedes-Benz русумли автомашина олиб қочилгани тўғрисида мурожаат келиб тушган. Ўғри машина очиқ қолганидан фойдаланган.

Олиб борилган тезкор тадбир давомида машина Чилонзор тумани Заргарлик кўчасида тўхтатилган ва 27 ёшли ёшли гумонланувчи қўлга олинган.

"Машина ҳайдашга қизиқаман. Ҳеч ким йўқ экан, машинага ўтириб ҳайдадим, шаҳар айландим. Чилонзорда ушлашди. Афсусдаман. Бошқа қайтарилмайди", – дейди гумонланувчи.

Машина эгаси, сўз устаси Шукрулло Исроилов машинаси тез муддатда топилгани учун ИИО ходимларига миннатдорчилик билдирди.

"Аввалига биров ҳазил қиляпти деб ўйладим. Хушёрлик оширдим, уйга кириб чиққанда ҳам машинани қулфлаяпман", дейди у.

Гумонланувчи эса қамоққа олинган ва унга нисбатан ЖКнинг 267-моддаси билан жиноят иши қўзғатилган.