Қамоққа олинган Экрем Имомўғли Туркия президентлигига номзод бўлди
Унинг номзодини 13,2 млн киши қўллагани айтилмоқда.
Қамоққа олинган Экрем Имомўғли Туркия президентлигига номзод бўлди.
Фаолияти вақтинча тўхтатилган Истанбул ҳокими ва мухолифатчи сиёсатчи Экрем Имомўғли Республика Халқ партиясидан (ChP) Туркия президентлигига номзод сифатида кўрсатилди. Бу ҳақда овоз бериш ташкилотчилари праймериз якунланганидан кейин маълум қилди, деб ёзади Sozchu.
ChP праймеризларида 15 миллион турк фуқароси иштирок этди - бу мамлакатдаги рўйхатга олинган барча сайловчиларнинг деярли тўртдан бир қисми. Улардан 13,2 миллиони ягона номзод бўлган Имомўғлига овоз берган.
Партия раиси Ўзғур Ўзел Эрдўғонни муддатидан олдин сайловлар ҳақида қарор қабул қилишга ва давлат раҳбари лавозими учун Имомўғли билан шахсан рақобатлашишга чақирди.
Эслатиб ўтамиз, Имомўғли қўлга олингач, унга коррупция ва терроризмга алоқадорлик айблови қўйилди. Туркия шаҳарларида намойишлар бўлиб ўтмоқда.
