Ўзбекистонга иссиқ ҳарорат ортидан нам ва совуқ ҳаво кириб келади
Кундузги ҳаво ҳарорати аста-секин 12-17 даража илиққача пасаяди.
Гидрометеорология хизмати хабарига кўра, яқин кунларда Ўзбекистонда ёғингарчилик кузатилади ва ҳарорат пасаяди.
Жорий йилнинг 23-25 март кунлари Ўзбекистон ҳудудига нам ва нисбатан салқин ҳаво массалари кириб келади.
Республика бўйича об-ҳавонинг кескин ўзгариши кутилмоқда.
23-25 март кунлари республика бўйича ёмғир ёғади, баъзи жойларда кучли бўлади, момақалдироқ кузатилиши мумкин. Республиканинг тоғли ҳудудларида ёмғир ёғади, қорга айланиш эҳтимоли бор.
23-24 март кунлари шамол тезлиги баъзи жойларда 13-18 м/с гача кучаяди, айрим жойларда баъзида 20 м/с гача кучайиши мумкин.
Кундузги ҳаво ҳарорати аста-секин 12-17 даража илиққача пасаяди.
Шунингдек, 22-27 март кунлари республиканинг 9 та вилояти тоғ ва тоғ олди туманларида кутилаётган ёғинлар ортидан сел-сув тошқин хавфини эълон қилди.
Эслатиб ўтамиз, март ойининг иккинчи ярмидан Ўзбекистон ҳудудида иссиқ ҳарорат кузатилмоқда. Ҳудудларда ҳарорат 30 даражадан ҳам ошди.
