Истанбулнинг мухолифатчи мэри қўлга олинди: Туркия бўйлаб намойишлар бўлиб ўтмоқда

19 март куни Туркияда Истанбул шаҳри мэри Экрем Имамоғлу қамоққа олинди.

Натижада Истанбул ва Туркиянинг бошқа шаҳарларида Туркия етакчиси Ражаб Тоййиб Эрдўғоннинг бўлажак президентлик сайловларида асосий рақиби сифатида кўрилаётган мухолифат мери Экрем Имамоғлунинг ҳибсга олинишига норозилик билдириш мақсадида оммавий намойишлар бўлиб ўтди.

Намойишлар Истанбул вилояти губернатори томонидан кейинги тўрт кун давомида кўча намойишларини тақиқлаш тўғрисидаги буйруғига ва бутун шаҳар бўйлаб полициянинг кучли қаршилигига қарамай бўлиб ўтди.

Полиция шаҳар ҳокимиятини ўраб олди, айрим йўллар ва марказий Таксим майдонини тўсиб қўйди.

Намойишчилар шаҳар ҳокимияти, Имамоғлу сақланаётган полиция бўлими, Истанбул университети ва бошқа жойларда тўпланишган.

Жумҳурият Халқ партияси раҳбари Ўзғур Ўзел шаҳар ҳокимияти олдида йиғилганлар олдида қилган чиқишида “Бўлган воқеа тўнтаришга уриниш эди”, деди. "Экрем Имомоғлу номзод бўлиш эркинлигидан маҳрум қилинмаяпти, бу халқ уни сайлаш эркинлигидан маҳрум қилинмоқда".

Мэрнинг рафиқаси Дилек Имамоғлу унинг ҳибсга олинишини “Туркиянинг бўлажак президентини йўқ қилишга қаратилган мақсадли сиёсий операция” деб атади. "Бу миллат учун тўғридан-тўғри зарба ва биз курашамиз", деди у.

Имамоғлу 2019 йилда мэр сайловларида ғолиб чиққан вва натижаси дастлаб бекор қилинганди. Аммо охир-оқибатда у лавозимга эришганди. Яқин йиллар бўладиган сайловда у Эрдўғонга асосий рақиб сифатида кўрилаётганди.

Мазкур сиёсий воқеа сабаб турк лираси 7 фоизгача қадрсизланди.