Янги ички ишлар вазири ҳақида нималар маълум?
Platina.uz сайти Азиз Тошпўлатов ҳақида очиқ манбалардан маълумотларни тўплади.
Бугун Ички ишлар вазири Пўлат Бобожонов ишдан олиниб, унинг ўрнига Азиз Тошпўлатов тайинланди. Тошпўлатов бугунгача пойтахт ИИББ бошлиғи бўлиб ишлаётганди.
Platina.uz сайти Азиз Тошпўлатов ҳақида очиқ манбалардан маълумотларни тўплади. Унга 2021 йил 14 январда, яъни Тошкент шаҳар ИИББга раҳбар бўлган пайтда генерал-майор унвони берилган.
Тошпўлатов тизимга бегона эмас. Пойтахт ИИББга бошлиқ бўлишдан аввал бир муддат ички ишлар вазирининг биринчи ўринбосари сифатида ҳам ишлаган. Унгача эса вилоятларда тажрибасини оширган.
2015-2017 йилларда Наманган, 2017-2019 йилларда эса Самарқанд вилояти ИИБга раҳбарлик қилган. ИИВ биринчи ўринбосарилигидан кетгач, унинг ўрнини Андижон вилояти ИИБ бошлиғи Шуҳрат Собиров эгаллаган.
Тошпўлатов таржимаи ҳоли очиқ манбаларда мавжуд эмас. Унинг қачон ва қаерда туғилганини топишнинг имкони бўлмади. Ҳатто пойтахт ИИББ сайтида бу ҳақда маълумот берилмаган.
Айрим маълумотларга кўра, у Тошкент вилоятида туғилган.