Қозоғистонда етти ўзбекистонлик ис газидан ҳалок бўлди

Қозоғистонда ўзбекистонликлар ис газидан ҳалок бўлди. Бу ҳақда Манғистов вилояти ҳокимлиги хабар берди.

2 март куни Мангистау вилоятининг Мунайли тумани, Басқудуқ қишлоғидаги хусусий турар-жой биносида бир оиланинг заҳарланиши ҳолати қайд этилди. Ёрдам бериш учун етиб келган қутқарувчилар ва тез тиббий ёрдам бригадалари воқеа жойида етти кишини, шу жумладан, беш нафар вояга етмаган боланинг жасадини топди.

Манғистов вилояти Фавқулодда вазиятлар департаментининг дастлабки версиясига кўра, фожиа газ ускуналаридан фойдаланиш қоидаларини бузиш натижасида содир бўлган.

Маълум бўлишича, марҳум Ўзбекистон фуқаролари бўлиб, Қозоғистон Республикасида вақтинчалик яшаб келган.

Фавқулодда ҳодиса сабабларини ўрганиш учун Манғистов вилояти ҳокимининг биринчи ўринбосари Эрбол Избергенов бошчилигида комиссия тузилди.

Вафот этган оиланинг қариндошларига ҳар томонлама, жумладан, дафн этишда ёрдам кўрсатилади.

Вазият Мангистау вилояти ҳокимининг шахсан назоратида экани айтилган.