Пенсия тайинлашнинг янги тартиби жорий этилади

Пенсия тайинлашнинг янги тартиби жорий этилмоқда.

2025 йил 1 мартдан бошлаб фуқароларга ёшга доир пенсиялар автоматик тарзда (проактив шаклда) тайинланади, яъни пенсия ёшига тўлган шахслар учун алоҳида мурожаат қилиш талаби бекор қилинади.

Асосий жиҳатлар:

Проактив тизим – пенсия тайинлаш жараёнини автоматлаштириш ва соддалаштиришга қаратилган.

Кимларга татбиқ этилади?

-55 ёшга тўлган аёллар,

-60 ёшга тўлган эркаклар;

Тизим қандай ишлайди?

Адлия вазирлиги фуқаронинг шахсий маълумотларини Пенсия жамғармасига юборади;

- Ички ишлар вазирлиги фуқаронинг яшаш манзилини тасдиқлайди;

- Пенсия жамғармаси пенсия ҳужжатларини расмийлаштириб, фуқарога СМС-хабар юборади;

- Фуқаро 10 кун ичида рад этиш ёки кейинроқ пенсияга чиқиш учун ариза бериши мумкин.

Бу янги тартиб пенсия олиш жараёнини тезлаштириш ва ортиқча бюрократик тўсиқларни камайтиришга хизмат қилади.