Тошкентдаги хонадонда газ чақнаши содир бўлди
Оқибатда бир киши куйиш тан жароҳати олган.
Жамият
26 февраль, 19:50
Тошкентдаги хонадонлардан бирида газ чақнади. Оқибатда бир киши жароҳат олди.
26 феврал куни Тошкент шаҳар ФВБга Яшнобод тумани, “Дўстобод” МФЙ, Маҳтумқули кўчасида жойлашган кўп қаватли уйларнинг бирдаги хонадон ошхонасида газ-ҳаво аралашмасининг чақнаш содир бўлганлиги тўғрисида хабар тушган.
Айтилган манзилга ёнғин-қутқарув экипажлари етиб борган. Ҳодиса натижасида ёнғин содир бўлмаган.
Чақнаш оқибатида 1 нафар фуқаро куйиш тан жароҳати олиб, шифохонага юборилган.
Воқеа жойига ФВБ, ИИББ, ССБ, прокуратура ва бошқа тегишли ташкилотлар ходимлари етиб борган.
Ҳозирда мазкур ҳолат юзасидан дастлабки терговолди суриштирув ишлари олиб борилмоқда, дейилади ФВБ хабарида.
